Têgêrayîşê Cinîyan ê Kurdan ê Ewropa (TJK-E) çarçewaya hemleya '2Rayberê Şarê Kurdî Abdullah Ocalanî rê azadîye, meseleya kurdan rê çareserîya sîyasîye'' de kampanyayêka newî daye despêkerdene.

Bi kampanyaya ''Hezar Cinî, Yew Veng''yeno waştene ke vera sîstemê qirkerdişî yê Îmraliyî şaran û kulturanê cîya cîyayan vengê cinîyan bibo yew.

TJK-E da zanayene ke eke ê biresê hezar cinîyan kampanyaya xo qedînenê û vat inkey ra Rojhelatê Mîyanênî, Afrîka, Asya, Ewropa û nuqtayanê cîya cîyayan ê dinya ra cinîyî tewrê kampanya bîyî.

Cinîyî eşkenê  bawerî û kulturanê cinîyayan ra bi kamyew ziwanî ke wazenê, vîdeoyanê kilman biancê û tewrê kampanya bibê.

TJK-E vat semedê paştdayîşê Rayberê Şarê Kurdî Abdullah Ocalanî cinîyî eşkenê bi şîîre, dans, qiseykerdiş û deyîran zî tewrê kampanya bibê.

Inkey ra Şili, Katalonya, Kurdîstan, Qraliyeta Yewbîyayîye,Almanya, Hindistan, Oromia, Swîsre û Afrîkaya Başure ra cinîyî bi mesajanê xo yê dîmeninan tewrê kampanya bîyî û azadîya Rayberê Şarê Kurdî Abdullah Ocalanî waşte.