TJK-E ra mesajê 8ê Adare: Ma têkoşîn biresnê asta tewr berze

TJK-E bi wesîleya 8ê Adare mesajêk weşana û venga cinîyan da ke vera faşîzm, tecrîd, pederşahî, neteperwerî û kanwazîye 8ê Adare bikerê roja têkoşînî. TJK-E seba tewbîyayîşê çalakîyan zî veng da.

TJK-E bi wesîleya 8ê Adare Roja Cinîyan ê Kedkaran a Dinya mesajêkê bi serrnameyê 'Vera qirkerdişê cinîyan wext wextê pawitişê komelê azadî û cinîya azade yo' pare kerd.

Eşkerayîye de ame vîrvistene ke cinîyê kurdî çarçewa Hemleya 'Vera qirkerdişê cinîyan wext wextê pawitişê komelê azadî û cinîya azade yo' de têkoşînê xo û pawitişê xo xurt kenê. TJK-E ard ziwan ke dewlete xîret kena têkoşînê cinîyan terorîze bikera.

TJK-E vat: ''Ma 8ê Adare bi şîarê 'Vera qirkerdişê cinîyan wext wextê pawitişê komelê azadî û cinîya azade yo' pêşwazî kenê. Kampanyaya ma ya '100 Sebebê Seba Hukmkerdişê Dîktatorî' bi coşî do xo biresna 8ê Adare. Pê na kampanya cinîyan seba kumkerdişê Erdoganî paştdayîşêko pîl awan kerd.

Ma do 8ê Adare de bibê venga ê cinîyanê ke heq û kedê înan peygoş benê. Bi taybetî janê Korona de şîdetê vera cinîyan zêdîya.

Ma do 1-8ê adare de bi desan merkezanê Ewropa de çalakîyan bikerê û vejîyê meydanan. Ma do panel, semîneranê onlineyan zî bidê. 8ê Adare de Almanya, Fransa, Swîsre, Belçîka, Hollanda, Îngilistan, Awusturya, Yunanistan, Swêd, Danîmarka, Norwêc û Fînlandiyayê, Kanada û Awustralya de cinîyê kurdî do meydanan de bibê û vera faşîzmî û qirkerdişî xoverdayîş pîl bikerê.

Seserra 21. do biba serra cinîyan. Ma venga pêro cinîyan danê ke ke vera faşîzm, tecrîd, pederşahî, neteperwerî û kanwazîye 8ê Adare de têkoşîn biresnê asta tewr berze û tewrê çalakîyan bibê.''