Têgêrayîşê Cinîyan ê Kurdan ê Ewropa (TJK-E) bi eşkerayîyêke pare kerd ke tecrîdê vera Rayberê Şarê Kurdî Abdullah Ocalanî vera pêro kurdan, cinîyan û merdimatîye yeno caardene. 

TJK-E vat: ''Bêvengîya dezgehanê mîyanneteweyîyan bi taybetî ya CPTyî verê faşîzmê AKP-MHPyî akeno û bêvengîya înan yena manaya hemkarîya faşîzmî zî. Seba şarê kurdî, cinîyan û ciwananê kurdan û pêro azadîgîran vera faşîzmî tek rayîr pîlkerdişê têkoşînî yo. No zî dormeyê Rayber Apoyî de bi kombîyayîşî mumkîn o. Roje roje berzkerdişê sloganê 'Şima nêeşkenê tîja ma tarî bikerê' û layîqbîyayîşê şehîdan o. Roje roje caardişê serkewtişê şîarê 'Jin, Jiyan, Azadî' yo.

Ma do sey TJK-E 15ê gulane de Strasbourgê Fransa de seba azadîya Rayber Apoyî çalakîyêke bikerê û vera qetlîyamanê Erdoganî tewirê xo bimojnê dezgehanê Ewropa. Ma venga pêro kurdîstanijan û dostanê xo danê ke 15ê gulane de verê xo bidê Strasbourgî. Roje roja seferberîya seba azadîya Rayber Apoyî û paştdayîşê gerîlayan a.''