TJK-E bi wesîleya 8ê Adare Roja Cinîyan a Dinya eşkerayîyêke daye û venga pêro cinîyan da ke mabênê 1-8ê adare de tewrê çalakîyan bibê.

TJK-E eşkerayîya xo de ard ziwan ke cinîyê kurdî mîyanê têkoşînê cinîyanê dinya de bîyî çimeyê îstîfadekerdişî û cinîyan ê kurdan seba azadîya pêro cinîyan tarîx de rîpelêko newe akerd. TJK-E vat: ''Afernayoxê nê têkoşînî Rayber Apoyî yo.Ma 8ê Adare bi na hişmendîye pêşwazî kenê û vanê 'Azadîya Rayber Apoyî azadîya ma ya.'

Ma esasê Hemleya 'Vera qirkerdişê cinîyan wext wextê pawitişê komelî û cinîya azade yo' de 8ê Adare ercnenê û bi şîarê 'xo ver bidê, xo rêxistin bikerê, bi azadî biciwîyê' 8ê Adare pêşwazî kenê.

Almanya de cinîyî do vera qirkerdişê cinîyan ê Şingal û Efrînî do vejîyê meydanan. Fransa de vera Qirkerdişê Parisî û qirkerdişanê cinîyan çalakîyî do bêrê kerdene, Swîsre de vera qirkerdiş û talanê ekolojîkî, Belçîka de vera îşkence û qirkerdişê zîndananê Tirkîya, Hollanda de vera qirkerdişê çekanê kîmyewîyan, welatanê Îskandînavya, Swêd, Danîmarka, Norwêc û Fînlandiya de vera talankerdişê keda cinîyan, Îngilîstan de vera şîdetê camêrdan ma do meydanan de bibê.

Ma do 1ê adare ra heta 8ê adare Ewropa de çalakîyan bikerê. Kanada û Avusturalya de zî vera qirkerdiş û faşîzmî vejîyê meydanan û vengê xoverdayîşî pîl bikerê. Ma venga pêro cinîyan danê ke tewrê çalakîyanê ma yê bi şîarê 'Xo ver bidê, xo rêxistin bikerê, bi azadî biciwîyê' bibê.''