TJK-Fyî dîyar kerd ke seba paştdayîşê bi serewedaritişî yê cinîyanê Îran û Rojhelatê Kurdîstanî ê do 30ê êlule de Paris de bi sloganê 'Cinîye, Cuye, Azadîye' rayraşîyayîşêkî bikerê û seba tewrbîyayîşî veng da.
Têgêrayîşê Cinîyan ê Kurdan ê Fransa (TJK-F) seba tewrbîyayîşê çalakîya paştdayîşê cinîyanê Îranî û Rojhelatê Kurdîstanî veng da.
TJK-F 30ê êlule, saete 18.00 de, Meydanê Republique de, paytextê Fransa Paris de çalakîye do bikero. Koordînasyonê Cinîyan ê Mîyanneteweyî yê Fransa, Komeleya Cinîyan a Îranî ya Demokrate û Keyeyê Cinîyan ê Parisî zî serkêşîya çalakîye kenê.
Çar dezgehan eşkerayîya xo de pare kerd ke ê do çalakîye de paştî bidê xoverdayîşê cinîyanê Îranî û Rojhelatê Kurdîstanî û vera rejîmî vengê xo berzêr bikerê.
Dezgehan venga hukmatê Fransa da ke wa hukmatê Îranî bi hawayêkê fermî şermezar bikerê.
Dezgehan vat: ''Ma sey femînîstan seba ke paştî bidê têgêrayîşanê serewedaritişî yê cinîyanê Îranî 30ê êlule de mîtîngêkî bikerê, ma venga pêro cinîyan danê ke tewrê mîtîngî bibê.''
