Amed de serkêşîya KESK, DÎSK, TMMOB û Odayê Tabîban ê Amedî de bi şîarê ''Ma semedê azadîya kede û komelê demokratîkî 1ê Gulane de meydanan de yê mîtîng de ame kerdene.

Hemserekê Pêroyî yê DEM Partî Tuncer Bakirhanî bale ante krîzê ekonomîkî ser û vat: ''Bedelê nê kedkar û karkerî danê. Rîyê polîtîkaya şerî ra nanê ma ra diznenê. Coka têkoşînê kede û haştîye yew o. Eke ma pêro pîya wayîrê vengdayîşê Birêz Ocalanî yê 27ê sibate bivejê, rojê rindî ma pawenê.

Ma Îmrali de Birêz Ocalanî dir çar saetî roniştê. Ûca têna meseleya kurdan nêameyî qiseykerdene.Tewr zaf kedkar, karker û ciwanî  ameyî qiseykerdene. Birêz Ocalanî  wina vat; 'Kapitalîzm hêvîya ma dizneno.' Coka deynê milê ma yo ke ma hêvî, çareserî û haştîye gird bikerê.

DEM Partî têna têkoşînê haştîye rayra nêbena, cayê kedkar û karkeran de ya. Xelisyayîşê ma pabesteyê yewbînî yo. Eke heqê kedkar û karkeran bêrê dayene meseleya kurdan zî yena çareserkerdene. Teberê pîya têkoşînkerdişî de yewna rayîrê ma çîn o.''