Taxa Karşiyaka ya qezaya  Rêya Armûşê ya Wanî de semedê Endama Konseya Rayberdişî ya KJKyî Pelîne Yilmaz a ke 27ê nîsana 2025î de hêrişê dewleta tirke yê vera Herêmanê Pawitişî yê Medya de şehîd bîye, tezîye ameye ronayene. Keyeyê Pelîne Yilmaz rê zîyaretê serweşîye bi hewayêkê girseyî dewam kenê.

Pîya bi Komeleya Paştdayîş û Hetkarîye yê Kesanê ke Merdimî Xo Vînî Kerdî  (MEBYA-DER) xeylê bajaranê Kurdîstanî rê hemwalatîyan, temsîlkaranê partîyanê sîyasîyan û dezgehan tezîye zîyaret kerd.

Bi seyan kesan ê ke ameyî keyeyê Pelîne Yilmaz slogana “Şehîd namirin” vat. Şarî keyeyî rê serweşîye waşte.