Koordînasyonê PAJKî eşkera kerd ke Endama Konseya Rayberdişî ya KJKyî Pelîne Zozan şehîd bîya. Eşkerayîye wina ya:

‘’Têkoşînê ma yê azadîye bi raştîya milîtanîye resa nê rojan. Zîlan, Bêrîtan û Sarayan na xeta azadîye afernaye û şehîdanê ma no rayraşîyayîşê azadîye awan kerd. Embazanê ma seba ke na xete mîyanê cuyen de cabigêra û yê pêro cinîyan biba seba utopyaya dinyayêka azade têkoşîn kerd. 

Embaza ma Pelîne zî nê embazan ra yewe bîye ke 27ê çeleyê 2025î de Herêmanê Pawitişî yê Medya de hêrişê dişmenî de şehîd bîye. Aye 23 serran rayraşîyayîşê xo yê milîtanîye de bi îdîa, bêtersî, qerardarî û tewirê xo serkêşîye kerde. Ma sere de keyeyê embaze Pelîne rê pêro şarê ma û cinîyan rê serweşîye wazenê. Ma soz danê ke bi perwerîya vîrameyîşê Pelîne dinyayêka azade seba cinîyan û şaran awan bikerê.

Embaza ma Pelîne 1981 de Wan keyeyêkê bi 5 domanan de dadîya xo ra bena. Keyeyê ci eslê xo de bêdlîsij bi. Embaza ma Pelîne hema lîse de tewra xebatan bena û 2001 de birayê xo Azad Serbilindî reyde tewra têkoşînî bena. 

Embaza ma Pelîne xebatanê cinîyan de cagêna, her warê têkoşînî de aktîf bena û zîndan de zî manena. A mîyanê Konseya Rayberdişî ya KJKyî serkêşîya têkoşînê komelkî û têkoşînê azadîye yê cinîyan kena.

Embaza ma Pelîne kadroyanê PAJKî yê serkêşan ra yewe bena. A tim pêro erk û mesuldarîyanê xo ana ca û ser kewena. A têkoşînê azadîye rê kedêka pîle dana. 

Dima ke birayê ey Azad Serbilind 2011 de Botan de şehîd beno embaza ma Pelîne hîna bi xurtî tewra têkoşînî bena.

Ma esasê vîrameyîşê embaze Pelîne de hîna zaf wayîrê şehîdanê azadîye vejîyê, raştîya ‘Jin, Jiyan, Azadî’ bîyarê ca û têkoşînê xo pîlêr bikerê.

Heta ke hêrişê artêşa tirke ya îşxalkere dewam bikerê têkoşînê ma zî do dewam bikero. Ma do çarçewa xopawitişî de têkoşînê xo pîlêr bikerê. 

Ma venga şarê xo, cinîyan û rayaumûmîya demokratîke zî danê ke vera hêriş û suîkastanê dewleta tirke têkoşîn bizêdînê û tewir bigêrê.

Serdestîya camêrdan, kiştoxê cinîyan û dişmenê azadîye do bin bikewê!

Cinîyî do azad bibê û dinya rind bikerê!

 

Nameyê Qodî: Pelîne Zozan

Name û Peyname: Pelîne Yilmaz

Tarîx û Cayê Bîyayîşî: 23.11.1981- Wan

Maye: Muhsîne

Pî: Şemsettîn

Tarîxê Tewrbîyayîşî: 2001

Tarîx û Cayê Şehadetî: 27ê Çeleyê 2025î- Herêmê Pawitişî yê Medya’’