Vizêr lîderê durzîyan bi eşkerayîyêke Serekkomarê Sûrîye Ahmed El Şara bi ‘qirkerdişî’ sûcdar kerdibi. Naye ser o Îsraîlî zî Sûrîye tehdît kerdibi û waştibi ke wa hêrişanê vera durzîyan vindarna. 

Serê sibayî artêşa Îsraîlî Telegramî ser a pare kerd ke teyarayanê înan ê şerî dormeyê Qesra Serekîye ya Sûrîye dayo bombayan ver.

Serekwezîrê Îsraîlî Benyamîn Netanyahuyî û Wezîrê Pawitişî Îsrael Katzî bi eşkerayîyan vat: ‘’No vera rejîmê Sûrîye mesajêko eşkera yo. Ma do destûr nêdê ke komelê dûrzîyan binê gefan de bimano.’’

Neteweyanê Yewbîyayeyan venga terefan da ke bi mesuldarî têbigêrê û dîplomatanê Amerîka zî  vat ke ‘serebûtê şîdetî yê peyênî’ û ‘qiseyê reşkerdişî’ nênê qebulkerdene.