Merkezê Têhetameyîşê Cinîyan ê UTAMARA yo ke xizmetê huqûq û psîkolojîkî Almanya de seba cinîyan dano, hamnan zî seba cinî, doman û ciwanan kampanê perwerde û aktîvîteyanê sosyalan virazeno.

Merkezo ke seba ke cinîyî ge-ganê bêrê têhet û hemkarîye bikerê zemînêk pêşkêş keno, rojanê vernîya ma de seba domanan û cinîyan ê ke wayîrê domanan ê, seba şayîye û kampan amadekarîye keno. Bajarê Lînzî (am Rheîn) yê Almanya yo ke Merkezê Têhetameyîşê Cinîyan ê UTAMARA tede yo, Hezîrane de seba domanan bernameyêko dewlemend bêro amadekerdene. Şayîya Domanan a Keskûsûre ya ke her serre yena viraştene, emser zî bi slogana “Xeyalanê ma lêmin  nêkerê” do bêra viraştene. Xeylî sazgeh û dezgehî zî paştdayîş danê şayîya domanan. Hetê bînî ra wendegehê yenê tatîlkerdene, 19-21'ê Temmuze de zî Kampa Domanan bêra organîzkerdene. Mabênê 26'ê Temmuze û 2'yê Tebaxê de Kampa Dayîke û Domanan bêra organîzkerdene. UTAMARA bi paştdayîşê zerrîwazan zî xeylê xebat û projejanê muhîman kena.