Çarçewaya Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de 15ê nîsane de bajarê Strasbourgî yê Fransa de verê Komîteya Vergirewtişê Îşkenceyî ya Ewropa (CPT) û Konseya Ewropa de çalakîya roniştişî do bêra kerdene. Vervatoxa Yewîya Cinîyan ê Kurdan a Almanya (YJK-E) Kezbane Dogan derheqê çalakîye de ANFyî rê qisey kerd.

Kezbane Dogan nê vatî: '' Ma sey cinîyan verî zî çalakîyanê semedê azadîya Rayber Apoyî serkêşîye kerde, ma do na çalakîye de zî serkêşîye bikerê. Semedê tewrbîyayîşê çalakîye xeylêk bajaranê Almanya de ma xebatanê cîya cîyayan kenê. Ma sey YJK-E Almanya de bi komun, înîsîyatîf û meclîsan rêxistinkerde yê. Seba ke xeylêk kesî tewrê çalakîye bibê ma pîya bi xebatanê xo yê bînan semedê na çalakîye zî xebatan rarya benê. Dezgehê ke ma do verê ci de çalakîye bikerê rolê înan tecrîdî de est o. Ma do polîtîkayanê leyminan ê Konseya Ewropa û CPTyî teşhîr bikerê. Ma do bifînê înan vîrî ke ê qanûnanê xo binpay kenê û ganî wezîfeyê xo bîyarê ca û tecrîdê rê vajê bes o.

Hêzê hegomanî semedê domnayîşê prosesê komployî qanûnanê xo binpay kenê. 25 serrî yo Îmrali de tecrîd est o. Nê hîrê serannê peyênan de pêvînayîşê keye û avûkatan bi temamî ameyî birnayene,  zereyê tecrîdî de tecrîd est o. Hêzê serdestî vera vengdayîşê cinîyan ê krudan û şarê kurdî û vengdayîşê dezgehanê mîyanneteweyîyî bêveng ê û rolê înan sîstemê tecrîdî de est o.

Ma sey cinîyan ê kurdan 25 serrî yo vanê ke azadîya Rayber Apoyî azadîya ma ya. No tecîrd ma rê yeno kerdene. Ma wazenê ke wa Rayber Apo bibo azad û statuyê şarê kurdî bêro naskerdene. Ma do na çalakîye de reyna nê waştişanê xo bîyarê ziwan. Ma do veng bidê nê dezgehan ke wa wezîfeyê xo bîyarê ca, wa tecrîdî vindarnê û nê şermî ra xo bixelisnê. Heta ke ma nê sîstemê tecrîdî meşiknê û azadîya fîzîkîye ya Rayber Apoyî mîyarê ca, ma do mevindê. Ma do na çalakîye de reyna vajê ke Rayber Apo îradeyê ma yo.''