Gulîstane Doku ra 5ê çeleyê 2020î ra nata xebere çin ra. Walîtîya Dêrsimî rojnamegeran ra waşt ke Wezîrê Edaletî Abdulhamît Gulî rê derheqê Gulîstane Doku de persêk bêro persayene.
Wendekara Zanîngehê Munzurî yê Dêrsimî Gulîstane Doku 5ê çeleyê 2020î ra nata 718 rojî yo vînîbîyaye ya. Her çiqas derheqê serebûtî de tehqîqat dabi destpêkerdene zî heta nika îfadeyê vergumanê verênî Zaynal Abarakovî nêame girewtene.
Wezîrê Edaletî yê Tirkîya hewteyê peyênî amebi Dêrsim. Dîya zanayene ke Mudirê Qelema Taybete yê Walîtîye Umut Omer Karadumanî rojnamegeran rê vat ke wa derheqê Gulîstane Doku de persêk nêpersê wezîrî.
Ame parekerdene ke Mudirê Qelema Taybete rojnamegerêkî rê telefon kerd. La dima ke rojnameger vat 'Ez do Gulîstane Doku pers bikera' kombîyayîşê wezîrî çapemenîye rê ame girewtene.
Hetê bînî ra waka Gulîstane Doku Aygule Doku hesabê xo yê medyaya dîjîtale ra vera qedexekerdişê persê 'Gulîstane Doku rê se bî?' nêrazîbîyayîşê xo mojna û vat: ''Abdulhamît Gul yeno Dêrsim de 718 rojî yo Gulîstane tede vînîbîyaye ya. La Mudirê Qelema Taybete ya Walîtîye Umut Omer Karadumanî rojnamegeran rê telefon kerd û vat 'Wezîrî rê persê Gulîstane mepersê.' Gulîstane Doku ra se bî? Şima pêro çira tersenê?''
