Wendekara Zanîngehê Munzurî Gulîstane Doku ra 5ê çeleyê 2020î ra nata Dêrsim de vînî bîyaye ya. Keyeyê Gulîstane Doku derheqê babete de verê Walîtîya Dêrsimî de eşkerayîye daye û aqîbetê kênaya xo pers krd. Eşkerayîye de Serekê Baroyê Dêrsimî Kenan Çetîn û Paltformê Cinîyan ê Dêrsimî zî amade bîyî.

Keyeyê Gulîstane Doku dima waşt ke walîyê Dêrsimî reyde pêvînayîş bikerê la waştişê înan nêame qebulkerdene. Naye ser o keyeyî nêrazîbîyayîşê xo mojna û vat: ''Walî ramekewe Gulîstane bivîne.''

Serekê Baroyê Dêrsimî Kenan Çetînî protestoyê keyeyî de vat: ''Sey baroyî ma vergumanê verênî û babîyê ci ser de vindenê. Eke no serebût nêro zelalkerdene, mîyanê serebûtî de nameyê kamî bivîyaro ma do gerreyê înan bikerê.

Dadîya Gulîstane Bedrîye Doku zî qiseykerdişê xo de îfade kerd ke mengêke verî Wezîrê Edaletî de pêvînayîş kerdo. Bedrîye Doku vat: ''Wezîrîya Edaletî ma rê vat ke Zainal Abarakov do sey vergumanî bêro muhakemekerdene. Înan soz da û ma agêrayî keyeyê xo. Labelê dima pêro verî ma rê ameyî qefilnayene.''

Eşkerayîye ra dima keye verê walîtîye ra şi.