Ame îdîakerdene ke taxa Kaleonuyî ya Çewlîgî de Wargehê Wendekaran ê Pîr Alî Riza Beyî de wendekara cinîye ya bi nameyê Şîfanure xo kişto. 

Şîfanura ke peynameyê ci nêzanîyeno Blokê Byî rê wargehî de mendêne û goreyê îdîayan aye xo qata 4. ra eşto war. Şîfanure cayê serebûtî de dinyaya xo bedilnaye. Ekîpa weşîye pê ambulansî cenazaya Şîfanure wedarnaye morgê nêweşxaneyî. 

Hetê bînî ra dîya zanayene ke dozgerî cayê serebûtî de wendekar û wezîfedarê wargehî hîşyar kerdî ke 'wa derheqê serebûtî de çewî rê agahîyêke nêdê.'