Şaristanê Hamburgî yê Almanya de Torra Cinîyan a Hamburî çalakîyêke kerde û Tirkîyaya ke Peymana Îstanbulî ra xo apey ant protesto kerde.

Meclîsê Cinîyan ê Rojbîne yê Hamburgî, Yeni-Kadin Hamburg, Têgêrayîşê Cinîyan ê Demokratîkan ê Hamburgî, Yewîya Cinîyan ê Sosyalîstan û Komunê Femînîstî yê Almanî tewrê çalakîye bîyî.

Çalakîye de ame parekerdene ke Serekkomar Erdogan wayîrê ê erkî nîyo ke Peymana Îstanbulî betal bikero û wedaritişê peymane yeno manaya hemkarîya qirkerdişê cinîyan.

Çalakîye pê sloganê 'cinîye, cuye, azadîye' qedîyaye.