Parlamento yo ke wayîrê projeyê New World Summîtî yo de, di serrî do babetanê demokrasîyo bê dewlete, modelê xoserîye û cayê cinîyan ê mîyanê şorişî de semînerî bêrê dayene.

ÎFWF, çarçewaya projeyê bi nameyê ‘Wendegehê seba xebatanê jîneolojî’ aktîvîtêk viraşte. Semînero ke ameyo dayene de rayberanê weqfî derheqê xebatanê xo yê 8 serran de qalê tecrubeyanê xo kerd. Bado dayîşşinasnayîşê xebatanê Weqfê Cinîyan ê Helîne ameyî kerdene.

Vervatoxa TJK-E Alîye Yurdane dayîşşinasnayîşê kampanyaya ‘Şîdetê vera cinîyan polîtîk o beno ke a ti zî bibîyêne’’ kerd, ke menga Teşrîna Peyêne de amebî destpêkerdene. Komîteya Jîneolojî zî ‘Jîneolojî û pratîkkerdişê ci’ de dersî dayî û bi nameyê komîte Haskar Kirmizigule ard ziwan ke, Jîneolojî zî zanistêko bi hewcedarîya cinîyan ê Kurdî vejîyo werte û cinîyê mîyanneteweyî yê bînî zî xo mîyan de vînenê û ci ra wayîr vejîyenê. Dimayê pêşkêşkerdişê dersan, binê hîrê sernameyan de atolyeyî ameyî destpêkerdene û dayîşşinasnayîş û semîneran ra dima hunermend Sosine vejîye sehne û bername bi nê hawayî qedîya.