Merkezê Îrtîbatî û Çapemenîye yê YJA-Starî bi wesîleya serrgêra şehadetê ci Gurbetellî Ersoz bi eşkerayîyêke yad kerde. 

Eşkerayîye wina ya:

''Ma embaze Gurbetellî Ersoza ke afernayîşê tradîsyonê çapemenîya azade de keda ci pîl a, bi heskerdiş, minet û rêzdarî yad kenê. Ma soz danê ke bibê perwerê vîrameyîşê aye û şehîdanê cinîyan ê çapemenîya azade.

Serranê 90an de ke karê polîtîk û sîyasî yê kurdan sey sûcî hesibîyayêne Gurbetellî Ersoz karê heyetê îdareyî yê Ozgur Gundemî girewtî xo milî, bîye vengê çêrî yê şarê xo û sembolêka girînge ya serkêşîya cinîyan. Gurbetellî Ersoz qîrayîşê azadîye yê kurdan peygoş nêkerd û bîye vengê nê qîrayîşî. A karanê xo yê rojnamegerîye ra hetê dewleta tirke ya faşîste ra tepişîyaye û dima ke vera dîyaye zî warê Rayberîye de wezîfe kerd û verê xo da koyan. Embaze Gurbetellî tîya de mîsyonêko pîl ard ca, sey endama Merkezê YAJKî xebitîyaye û 7ê teşrîna verêne de tay embazanê xo reyde wexto ke Zapî ra derbazê Garê bîyêne Sergelê de şehîd bîye.

Ewro Sergelê de bi hezaran milîtanê azadîye xo ver danê û vera xeta xayînîye rayraşîyayîşê Gurbetellîyan dewam kenê. Teqîbkerdoxanê aye tim xîret kerd ke pê qelem û kamerayanê xo raştîya kolonyalbîyayîşê Kurdîstanî komelî ra bimojnê. Denîz Firat, Nûjiyan Erhan, Hindistan Penaber, Zelal Sîdem, Ekîn Van, Jiyan Amargî û bi desan embazanê ma yê raştîye kayê şerê taybetî deşîfre kerdî. Eke Nûjîyane Erhan belge nêkerdêne ke pêşmergeyanê PDKyî senî Şingal teslîmê DAÎŞî kerdo, êzidîyî bîyêne lal û kor. Eke Jîyane Amargî gerîlayê Botanî nêgirewtêne kameraya xo dewleta tirke pê şerê psîkolojîkî şar manîpule kerdêne. Nê embazê ma şaeê ma rê bîyî çim, goş, zerrî, aqil û wijdanî. Ê bi têkoşînê xo yê raştîye bîyî tewirê rûmetênî û rîsipîyê cinîyan ê kurdan. Şehîdanê cinîyan ê çapemenîya azade serê raştîye de bedelî dayî.

Têgêrayîşê azadîye vera tarîxê serdestan kewt mîyanê têkoşînêkê pîlî. Seba raştîya kurdan bi hezaran têkoşeranê raştîye ganê xo feda kerdî. Bi hezaran zerrîwazanê çapemenîye seba ke raştîyan eşkera bikerê, îxanetî vejê werte têkoşîn kerd. Cinîyê şehîdî yê çapemenîya azade hêzê gandarbîyayîşê na raştîye yê. Şehîdanê cinîyan ê çapemenîya azade tradîsyonê çapemenîya azade ma rê verda. Ma bi na hişmendî soz danê ke xeta cinîyan a çapemenîya azade xurtêr bikerê û bibê wayîrê na xete û layîqê şehîdanê cinîyan ê çapemenîya azade.

Şehîdê cinîyî yê çapamenîye azade çimeyê ma yê hêz û moralî yê, meşaleyê rayîrê raştîye yê. Înan mîyanê şertanê zehmetan de zî qelema xo, xo destî ra war nêverdaye. Ma xêrê têkoşînê înan ra resayî nê rojan. Şehîdê ma temsîlkarê raştikênî yê tewr başî, rindî û raştî yê û bingeyê têkoşînê ma yê. Şinasnayîş, vîrardiş û vîranêkerdişê înan têkoşînê ma yo. Nê esasî ser o ma do tim roşnîya têkoşînê şehîdanê xo akerde verdê û rayîrê raştîye qetî war meverdê. Ma soz danê ke bi gandarkerdişê vîrameyîşê înan, bi israr û qerardarî do alaya înan a azadîye berzêr bikerê.''