Fermandarîya Qerargehê Merkezê YJA Statî bi wesîleya 8ê Adare mesajêk pare kerd û nê vatî:

''Ma sey hêzanê YJA Starî 8ê Adare Roja Cinîyanê Kedkeran  a Dinya Rayber Apoyî ke vatêne 'Yew roje ne ganî her roje yê cinîyan bê' rê û heme cinîyê ke pê ruhê xoverdayîşî ciwîyene û vera faşîzm û zîhnîyetî nêrî tekoşîn kenê, cinîyê ke vera îşkeceyê dewlete, koletîye û şîdetî wayîrê keda xo vejîyenê, xo pawenê û pêrodayîş kenê înan rê pîrzo kenê.

Clara Zetkîn û Rosa Luksemburg bi bedalanê pîlan na roje cinîyan rê dîyare kerde û reyna şehîdê Têgêrayîşê Azadîye yê Cinîyan ke semedê afernayîşê komelê azadî xo feda kerd û ercê azadîye fînayî dest ma înan binimet yad kenê û sozê caardişê waştişanê înan danê.

Cenga Heftanînî ke gerîlayanê YJA Starî bi îradeyê pîlî ci rê serkêşîye kerd morê xo da serra 2020î ro. Nêtîceyê ci sere de semedê cinîyan semedê heme şaranê ma  bawerîya 'xoverdayîş do faşîzmî bişikno' pîlêr kerd. Ma pê na qerardarîya pîle kewtê serra 2021î. Nika ra çew eşkenê mîjdan bidê ke na serre de do bi o xoverdayîşê cinîyan azadîye hîna zaf bêro qezenckerdene. Azadîya cinîyan ke Rayber Apo sey 'projeyê min o nîmcet' name keno bi xoverdayîşê pîlî mîyanê şorişî de afernayîşê şiroşan ver bi serkewtişî şina, pê xoverdayîşê gerîlaya faşîzm têşîyeno û dest pê rijyayîşî kerd. Her kes nayî rê şahîdîye keno.

Artêş tirke ya dişmenê cinîyan wayîrê zîhnîyetê tecawuzî vera Garê operasyonê îşxalî kerd. Xoverdayîşê gerîlayan ê Garê hem hêzê gerîlayan ramojna hem zî ramojna ke îqtîdaro faşîst nûqtaya rijîyayîşî de yo. Bêşik o hêzo tewr pîlo ke nê rxoverdayîşî  weye keno Rayber Apo yo û ruho ke nê dano rayraberdene zî partîya ma PAJK û PKK yê. Pê Îdeolojîya Xelisnayîşî ya Cinîyan ya Rayber Apoyî manaya 8ê Adare ame xorîkerdene  û rengê xo da heme rojanê bînan.

Seba ke Rayberîya ma hîs û fîkrê cinîyan fehm kerdî û hîs kerdî verê artêşbîyayîş partîbîyayîşê ma ame akerdene. Reyna fermadara pîle ya cuya azade  hemra Sema Yuce ya ka bedenê xo 8ê Adare ra 21ê Adare kerd pird û xo feda kerd şexê aye de sey tradîsyonê biheybetî  hêzê YJA Starî heta ewro ameyî. Hemraya ma Sara ya ke têkoşînê azadîye yê cinîyan de wayîrê kede û afernayîşî ya û sey cinîya azade bîya sembol têkoşînê aye têna ma rê nê heme cinîyan rê serkêşîye keno.

Xoverdayîşê cinîyan mucadeleyê azadîye çend beno pîl îşence û tecawuzê dişmenî zî benê pîl. Bitaybetî Kurdîstan de bi destê dewlete tecawuzî yenê kerdene. Eşkerayo ke Tirkîya de têna pê xopawitişî cinîyî eşkenê cewabê qirkerdişan bidê. Ma sey hêzanê YJA Starî vera zîhnîyetê hêrişkarî bedelê çi beno wa bibo têkoşînî rê amadeyê. Hêzê cinîyan ê xopawişî ke koyan de sey  YJA Star û HPJ, bajar û deştan de sey YJŞ, YPJ û YPS Jin estê do pê çalakîyanê xo vera bêadeletîye, faşîzm û îşxalî tim têkoşîn bikerê.

Ma do çarçwa Hemleya ''Vera qirkerdişê cinîyan wextê pawitişê cinîya azade û komelê azadî yo' ya ke serkêşîya KJKyî de ameye destpêkerdene xverdayîşî pîl bikerê.  Seba ke ma Rayberîye xo reyde fîzîkî bêro têhet ma do têkokîşînî pîl bikerê. Ma sey hêzanê YJA Starî ma do Rayber Apoyî fîzîkî azad bikerê û wayîrê ruhê 8ê Adare vejîyê. Ma do sey Sara û Semayan şer bikerê û vera dişmenî ser bikewê. Nika wextê azadîye û azadkerdişî yo.''