Fermandarîya Qerargehê Merkezî ya YJA-Starî seba Roşanê Newroze eşkerayîyêke daye.

Fermandarîye verî Newroze fîraz kerde û şehîdê têkoşînê azadîye yad kerdî. Eşkerayîya Fermandarîye bi kilmî wina ya:

''Newroze roja xoverdayîşê vera zulmî ya. Dehaqê ewroyînî Erdogan û rejîmê ci yo faşîst o. Tewr peyên Garê de gerîlayan vera nê zulmî xo ver da û meşaleya azadîye kirişte.

Rayber Apo sere de ê cinîyan serekê pêro şaranê bindestan o. Cinîyî do pê tewirê embaze Sema heta peynî wayîrê Rayber Apoyî vejîyê. Ewro çar parçeyanê Kurdîstanî, Ewropa û zîndanan de kurdî pê çalakîyanê xo Rayberîya azade de israr kenê. Coka heta ke Rayberîye azad nêba ma do xoverdayîşê xo dewam bikerê. Her meşaleya Newroze do biba israrê ma yê seba azadîya Rayberîye.

Newroze roşanê xoverdayîşî yo, roşanê azadî yo. Cinîyî wa tewrê waranê Newroze bibê, astengîyan ra derbaz bibê. Newroze tamn wextê ci yo ke cinîyî wa dormeyê yewîya azade de kom bibê û têkoşînê hemparî bikerê. Newroze roşanê azadîye yê cinîyan o.

Ma sey hêzanê YJA-Starî Hemleya KJKyî ya 'Vera qirkerdişê cinîyan wextê pawitişê cinîya azade û komelî yo' xo rê esas gênê. Ma sey fedayîyanê Rayber Apoyî pê îdîaya serkewtişî dekewenê nê wisarî.

Ma sey cinîyan ê ereb, tirk, asûr, acem, fars, enternasyonalan ê Têgêrayîşê Azadîye yê Kurdan rayberîya YJA-Starî de do têkoşînê xo geş bikerê û wayîrê mîrasê Mazlûm, Zekîye Alkan, Rahşane, Ronahî, Bêrîvane, Sema û pêro şehîdan vejîyê.

Ma pê şîarê 'Newroza 2021î do biba Newroza azadîye' na Newroze fîraz bikerê. Ma venga cinî, ciwanan û şarê xo danê ke adirê Newroze geş bikerê.''