Fermandarîya Merkezî ya YJA-Starî bi wesîleya Roşanê Newroze eşkerayîyêka nuştekîye daye.

Eşkerayîye wina ya:

''Ma Newroze sere de Rayber Apoyî rê, şarê ma yo ke bi serewedaritişan bîyo Newroze rê û pêro kesan rê fîraz kenê. Ma sere de Kawayê Modernî Mazlûm Dogan şexsê şehîdanê Newroze Zekîye, Rehşane, Ronahî, Bêrîvan û Sema de pêro şehîdanê xo yad kenê.

Dima ke Rayberîya ma Newroza 1973yî de Awbendê Çubukî de kombîyayîşêk kerd PKK bi wisar, roman û şîîra şarê ma. Îdareyê Anqara yê faşîstî rojêka Newroze de amebi tarûmarkerdene. 1973 ra nata Newroze her ke şi hîna zaf bîye newe ra bîyayîşê şarê ma. Newroze roşanê azadîya şarê ma yo. Ronîyayîşê PKKyî ra nata zî şarê ma Newroze tim sey roşanêk fîraz kerde. Esaretê Rayberîya ma zî Newroze kirişte manayêka bîne. Ewro Newroze bîye pirdêkê seba azadîya Rayberîye. Ma pê bawer ê ke na Newroze de şarê ma ancî bi şîarê 'Bijî Serok Apo' do biherîko meydanan û Newroze bivurno wextê azadîye.

Kawayê Asinkerî ra heta ewroyî nameyê Dehaqan bivurîyê zî zulmê înan nêqedîya. Ewro zî AKP-MHP bi Dehaq û keno ke bi polîtîkayanê şerê taybetî ciwananê kurdan bêvîr bikero û teslîm bigêro. La Zap, Xakurkê, Metîna de adiro ke yeno tavistene adirê Kawayî yo. Vengê Girê Cûdî û Garê zî vengê azadîye yê Kawayî yo. Vengê Kawayî ziwanê gerîlayan de bîyo gandar û adirê Newroze ancî koyan de ame tavistene. Coka ma venga cinî û ciwanan danê ke bêrê nê adirê koyan hîna gir bikerê. 

Tewr zaf şexsê cinîyan ê kurdan de ame îsbatkerdene ke eke cinîyî azad nêbê komelêk zî azad nêbeno. Zekîye Alkan Amed de bedenê xo da adirî ver û Amed vurna şaristanê serewedaritişî. Rahşane Îzmîr de bîye Newroze û qîraye ke metropolan de kurdî do qetî kincê koletîye xo ra nêdê. Ronahî û Bêrîvane Ewropa de bîyî Newroze, Sema zîndanan de kurdan rê rojê tîjînî dîyarî kerdî. Nînan îsbat kerd ke şarêko ke cinîyê ci bîyê Newroze bi xo do bibo Newroze.Senî ke Kurdîstanêk bê kurdan mumkîn nîyo; bê PKK zî azadîye mumkîn nîya. Coka PKK partîya Newroze ya. Kesê wayîrrûmet û wayîrwijdanî ganî bi na raştîye adirê xo yê Newroze bivisnê ta. Pêro cinî, ciwan, dadî û pîlê kurdî ganî na Newroze bi coşî pêşwazî bikerê û Newroze bikerê bingeyê sibayanê azadan. Ma pê bawer ê ke serkewtiş do bibo ê şarê ma yê Newrozbîyayeyî.

Ma sey gerîlayanê YJA-Starî Newroze bi hesreta Rayber Apoyî pêşwazî kenê. Ma do bi na hesrete adirê Newroze gir bikerê. Ma soz danê Rayberîye, şehîdanê xo û şarê xo ke mujdeya azadîye koyan de bi tîlîlîyanê gerîlayan ê cinîyan bidê. Newroze fîraz ba!''