YJK-Syî şaristanê Baselî yê Swîsre de kongreya xo ya 8ine kerde. Kongreya bi şîarê ''Bi Jin, Jiyan, Azadî Ver bi Şorişê Cinîyan'' de bi desan delegeyî amade bîyî.

​​Kongre de hêverî TJK-E ser o Sozdare Sîdar proseso sîyasî ercna. Sozdare dîyar kerd ke vera cinîyan şero taybet, vera Rayberê Şarê Kurdî Abdullah Ocalanî tecrîdo giran û vera Kurdîstanî şerê qirkerdişî bi giranî dewam keno. 

Sozdare da zanayene ke rêxistinîya cinîyan ê kurdan wayîra girîngîyêka taybete ya û vat: ''Cinîyê kurdî bi têkoşînê xo serkêşîya cinîyanê dinya kenê. Felsefeya 'Jin, Jiyan, Azadî' ya Rayber Apoyî cinîyan rê modelo tewr raşt o. Projeyê azadîya cinîyan ê Rayber Apoyî nêmcet mendbi. Ma do projeyê Rayberîye yê nêmcetmendeyî bi şorişê cinîyan temam bikerê.''

Qiseykerdişê Sozdare ra dima raporê xebate ameyî wendene, nîqaşî ameyî kerdene û weçînayîş dest pêkerd. Weçînayîşan de Selma Surer bîye vervatoxa YJK-Syî û 12 îdarekarê dîwanî ameyî weçînayene.

Kongre bi slogananê sey "Jin, Jiyan, Azadî", "Bijî berxwedana gerîla û "Bijî Serok Apo" qedîyaye.