Fermandarîya Pêroyî ya YPJyî bi eşkerayîyêke da zanayene ke 2yê nîsana 2024î de serkêşanê şorişê cinîyan ra Zozane Hesekê şehîd bîya û nasnameyê aye eşkera kerd.

Eşkerayîye wina ya:

''Embaza ma Zozane serra 1990î de Hesekê ra tewra têgêrayîşê azadîye yê Kurdîstanî bîye. Aye heta şehadetê xo têkoşîn bi ruhê ciwanîye kerd. Embaze Zozane îfadeya embazîye bîye. Aye perwerdeyanê Warê Rayberîye de felsefe û fikrê Rayber Apoyî têkoşînê xo rê kerdî roşnî. 

Embaza ma Zozane têkoşînê xo yê 34 serran de erjanê şoriş û komelî de yew bîye. Coka cuya aye tarîxê têkoşînê ma yo. Aye nê 34 serran de komel û cinîyê Rojawanê Kurdîstanî dormeyê şorişî de ardî yewca. Naye ra Şorişê Cinîyan ê Rojawanî de cayê embaze Zozane wayîrê kokêkê tarîxî û komelkîyî yo.

Embaze Zozane wextê hêrişanê DAÎŞî de koyan ra verê xo da Rojawanî û sere de Kobanê Serêkanîyê û Dêra Zorê de erkê fermandarîye bi serkewtişî kerd. Aye heta peynî pêro erk û mesuldarîyê xo ardî ca û bîye çimeyê xîret û têkoşînî.

Cinî û ciwanê kurdî do bibê şagîrtê aye. Ma keyeyê embaze Zozane rê, pêro şarê Kurdîstanî û embazanê ma yê têkoşînî rê serweşîye wazenê.

Nasnameyê embaze Zozane wina yo:

Nameyê Qodî: Zozan Hesekê

Name û Peyname: Munever Fatimê

Tarîx û Cayê Bîyayîşî: 1970, Hesekê

Maye: Şemsa

Pî: Enter

Tarîxê Şehadetî: 02-04-2024."