Fermandarîya YPJ’yî ya ke bi wesîleya serrgêra 5’ine ya qetlîamê Şengalî eşkerayîyêka nuştekîye daye vat: ’’Şarê ma yê Êzidîyan ewro rayberîya Berîvane, Şengale û Berxwedanana de xo newe ra wella xo ra afernayo.
Fermandarîya YPJ’yî bi wesîleya serrgêra 5’ine ya qetlîamê Şengalî eşkerayîyêka nuştekîye daye û sozê qesasgrewtişê cinîyan ê Êzidîyan newe kerd.
Eşkerayîye ra tayî cayî wina yê: ‘’Ma şexsê Gulçîne, Vînare, Şengale, Berxwedane, Canwelate û Zêrîn Qamişlo de heme şehîdanê Şengalî bi hurmet yad kenê û soz danê ke ma do xîyalanê şehîdan bica bîyarê. Hêzê serdest û qetilkarî tarîxî ra nata vera şarê Êzidîyan bi desan qetlîamî kerdî. Hemê qetlîaman de rolê dewleta Tirkî girdbi. Vera herişanê ke îtîqat û kulturê Êzidîyan û Şengalo bimbarek hedef girewtêne 2014 de çar leteyanê Kurdistanî ra Kurdan verê xo da Şêngalê bimbarekî û vera çeteyanê DAÎŞ’î mucale kerd. Tornê Kawayê Asinkarî, şopdarê Derwêş û Edûlê û hemrayanê Binevş Agale bi sondanê qesasî vera qetlîamî vindetî.
Ewro bi paştdayîşê hemkarîya PDK’yî vera destkewteyanê Şendalî reyna hêrişî yenê kerdene. Hêrişê dewleta Tirkî ê vera Rojawan û Başûrê Kurdistanî û hêrişê vera Şengalî yê 2014’î pabesteyê yewbînan ê. Ganî vera hêrişanê kolonyalîstan mucedale bêro girdkerdene.
Şarê ma yê Êzidîyan ewro rayberîya Berîvane, Şengale û Berxwedanana de xo newe ra wella xo ra afernayo. Vera talanê şerî ewro şarê Şengalî xo paweno. Çeteyanê DAÎŞ’î vera xoverdayîşê ma yê tarîxî de vînî kerd. Tewr peynî de hêzanê ma pîya bi hêzanê YPG- QSD’yî hemleya qedînayîşê çeteyan ê Dêrazorî de bi seyan cinî û domanê Êzidî xelisnayî. Ma sozê qesasgirewtişê Şengalî dabi, ma nê sozê xo bica ard. Ma sozê xo yê qesasgirewtişê cinîyan ê Êzidîyan ê esîran reyna newe kenê. Ma do mucadeleyê xo gird bikerê û ser bikewê.’’
