Bi seyan şerwananê YPJyî Hesekê de pê merasîmêkê heybetînî 8ê Adare Roja Cinîyan ê Kedkaran a Dinya fîraz kerd. Fermandarîya Pêroyî ya YPJyî ra Newroze Ehmed zî tewra merasîmî bîye.

Newroze Ehmed merasîm de qisey kerd û 8ê Adare yê pêro cinîyan fîraz kerd. Newroze vat: ''8ê Adare şexsê cinîyan de bi sembolê erjanê merdimîye û no destkewteyê merdimîye yo. Cinîyan pê bedelan nê destkewteyî vistî destî. 8ê Adare rojêke nîya ke îqtîdarê serdestîya camêrdan sey holîyêke daya ma. Dewleta tirke ya faşîste Efrîn, Serêkanîyê û Girê Sipî de hêriş û tecawuzê cinîyan kena. Ma do nê hêrişan xo vîr a nêkerê. Ma do xo perwerde, rêxistin bikerê û şoriş bipawê, bikerê pîlêr. Ma sey cinîyan her wextî ra zêdêr nêzdîyê azadîye yê. Ma sey YPJyî xeta cuya azade pawenê. Şexsê embaze Lêgerîne de beşdarîya cinîyanê dinya ya seba xeta ma mojnena ke awankerdişê komelî pê erjanê cinîyan çend girîng o. Têkoşînê YPJyî do bibo roşnîya pêro cinîyanê dinya.''

Şayîye pê deyîr, tîyatro û govendan qedîyaye.