Fermandarîya Pêroyîye ya YPJyî Arîne Bahoz yad kerde ke 31ê çeleyî de Qamişlo de kanserî ra şehîd bîye.

Fermandarîye eşkerayîya xo de ard ziwan ke Arîne Bahoz hêrişanê vera Kobanê ra dima tewra YPJyî bîye. YPJyî vat: ''Embaze Arîne Cizîre de bîya pîle û 2015 de vera hêrişanê DAÎŞî yê serê Kobanê tewra YPJyî bîye. Aye coş û moralê xo pê bawerîya bi azadîye û embazîya cinîyan tacîdar kerdî û tim pê eşqê azadîya welatê xo şer kerd. A seba embazanê xo bîye sembola cinîya azade. Embaze Arîne hemleyanê azadkerdişê Rojawanî de zî ca girewt û bi taybetî Minbic de bîye qîrayîşê cinîyan. Aye vera DAÎŞî Minbic de xoverdayîşêko bêhempa kerd. Dima aye verê xo da Reqa.

Embaze Arîne prosesê tedawîya kanserî de qetî moral û waştişê xo ra fek vera nêda û seba ke abigêra cepheyê şerî tim bi xîretî şer kerd. Ma sey YPJyî keyeyê ci rê serweşîye wazenê û soz danê ke ma do qesasê şehîdan bigêrê. Ma bi ruhê xoverdayîşî yê embaze Arîne mesuldarîyanê xo do bîyarê ca û perwerîya xo ya bi şehîdan bimojnê.''

Nasnameyê şehîde Arîne Bahoz wina yo:

Nameyê Qodî: Arîne Bahoz

Name û Peyname: Nesîme Tetîk

Maye: Fatma

Pî: Osman

Cayê Bîyayîşî: Şirnex

Tarîx û Cayê Şehadetî: 31ê çeleyê 2022î- Qamîşlo."