Endama Konseya Hemserekîye ya KCKyî Zilare Stêrk  'Programê Taybetî' yê Stêrk TVyî de cewab da persanê Gulane Avrelî .Qiseykerdişî ra qismêk wina yo.

''Hemraya ma Zîlane vera konseptê îmha û çînkerdişî yê vera Rayber Apoyî  çalakîya fedayîye kerde. Embaze Zîlane şervana di serran bî û koyanê Dêrsimî de gerîlatîye kerdbî. Çalakîya embaze Zîlane vera hêrişê vera estbîyayîşê kurdan ameye kerdene. Na çalakîye têna çalakîya leşkerî nêbî. Raşto hetê leşkerî ra çalakîyêka zaf stratejîke bî. Şerê gerîlayan de taktîk û stratejîyê dewrî bewlî kerdî la verê xeylêk çîyan zî akerd. Çalakîya zaf bimbarek û gird bî. Na çalakîya embaze Zîlane dewrî rê bîye cewab.

Çalakîya fedayîye ya Zîlane hetê îdeolojîk, komelkî, sîyasî û têkoşînê cinîyan ra çalakîya zaf muhîm a ke verê dewrê neweyî akerd. Zîlane zanayîşo kanperest fîna hewa, tengayîya leşkerî û sîyasîyî werte ra wedarit û konseptê dişmenî her hetî ra betal kerd.  Şexsê Zîlane de cinîya kurde zî zerrîya xo teqayîşê azadîye afirna. Pîya bi embaze Zîlane camêrdê kurdî de zî averşîyayîşê neweyî vejîyayî werte. Çalakîya ci ya fedayîye de camêrdo kanperest zî teqa. Çalakîya embaze Zîlane cinî-camêrd perûne ser o tesîr kerd. Çalakîya embaze Zîlane hetê komelkî, kulturkî, leşkerî ra zaf çîyî bedilnayî. Bi hezaran cinîyê ciwanî yê kurdan bîyî teqîkarê Zîlane.

50 serrî yo ma têkoşînê estbîyayîş, nasname, kultur, sîyasî, leşkerî, ekonomîk û komelkî danê. Wina qeyde Kurdîstan cuye tay bo zî bi bimana. Kurdîstan de cuye bi qiymetin. Xeyrê Rayber Apoyî, xeyrê Zîlane, Sema, Fîkrî Baygeldî, Leyla û hemrayanê ma yê bînan cuye bi bimana. Hinî cuyeya merdimî qiymetin a. Hinî  şarê kurdî de bawerîya cuyeya azade est a. Ewro hemrayê ma tunelanê şerî de rêçê Zîlane, Gulane û Semayan de têkoşîn kenê.''