Tepişteyê dewaya PKK û PAJKî 27ê teşrîna peyêne ya 2023yî ra nata çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de grevê vêşanîye kenê. 5ê nîsane de grevê vêşanîye kewt safhaya diyîne. Tepişteyî mehkemeyan boykot kenê û nêvejîyenê pêvînayîşan û telefonan ser.

60 tepişteyanê Zîndanê Cinîyan ê Sîncanî çarçewa ney de vera tecrîdê Îmraliyî mektubêke şawite îqtîdarî, Wezîrîya Edaletî û selahîyetdaranê dewlete. Mektube de ame waştene ke seba ke Abdullah Ocalan çareserîye de rolê xo bîyaro ca ganî tecrîd bêro wedaritene, azadîya ey bêra caardene û şertê hewceyî bêrê caardene.

Mektube de wina ame vatene: ''Ma 60 tepişteyê sîyasî yê. Tecrîdê vera Abdullah Ocalanî û embazanê ma beno sebeb ke kaosê welatî bizêdîyo. Ewro bi seyan zîndanan de bi hezaran tepişteyî grevê vêşanîye de vera tecrîdî têkoşîn kenê. Ganî no veng bêro eşnawitene. Seba ke netîce bigêrê ma venga îqtîdar, Wezîrîya Edaletî û selahîyetdaran danê ke tecrîdê vera Abdullah Ocalanî wedarnê û seba ke o rolanê xo yê serê haştîye bîyaro ca şertan virazê.''