Vera tepişîyayîşê Hemsereka KCDyî û Wekîla HDPyî ya Colemêrgî Leyla Guven şaristananê Bern, Biel, Lozan, Basel û Solothurnî yê Swîsre de çalakîyî ameyî kerdene.

Bern

Vengdayîşê Meclîsê Cinîyan ê Mizgîne ser o kurdan û dostanê înan bi çalakîyêke tepişîyayîşê Guvene şermezar kerd. Çalakîye de aktîvîste Hedîye Munzur  û Hemserekê CDK-Syî Alî Şîmşekî qisey kerd û seba pîlkerdişê têkoşînî veng da.

Biel

Rayberîya Komunê Cinîyan ê Arîne Mîrkan de cinîyan çalakîyêke kerde û sloganê 'Leyla Guven rûmetê ma ya', 'Erdogan dişmenê cinîyan o' vatî. Çalakîye de bi almankî vilawekî ameyî vilakerdene.

Lozan

Bi vengdayîşê Meclîsê Cinîyan ê Lajine çalakîyêke ameye kerdene û çalakîkeran veng da ke sere de Leyla Guven pêro tepişteyê sîyasîyî wa bêrê veradayene.

Basel

Bi vengdayîşê Meclîsê Cinîyan ê Ronahî cinîyan çalakîyêke kerde û eşkerayîye daye. Cinîyan vat: ''Şexsê Leyla Guven de wa cinîyê kurdî têkoşîn pîl bikerê.''

Solothurn

Rayberîya Komunê Cinîyan ê Pinare de kurdîstanijan bi çalakîyêke vera tepişîyayîşê Leyla Guven nêrazîbîyayîşê xo ard ziwan û seba berzkerdişê têkoşînî veng da.