Serekkomarê Tirkîya Erdoganî kombîyayîşê partîya xo AKPyî de qerarê ke Kongraya 12. ya PKKyî ameyî girewtene, erjnayî.

Erdoganî nê vatî: ''Ma merhlayêka newî de yê, nika wextê xurtkerdişê yewîye û wayûbiratîye yo. Wextê ciyo ke astengê verê demokrasîyî bêrê wedatitene. Rêxitine bi nê qerarî goreyê mutebaqatê cuye hempare yo ke bi şarê xo kerdo, game eşte.''

Erdoganî qiseykerdişê xo de vat zaf muhîm o ke qolê Surîye û Ewropa zî tewrê nê prosesê fesîh û ronayîşê çekan bibê.

Erdoganî Serekê Pêroyî yê MHPyî Devlet Bahçeliyî û DEM Partî rê seba ke semedê nê prosesî kede daye, spas kerd, Ozel û  îdarekaranê partîyanê sîyasîyan ê bînan rê zî seba ke paştî daye prosesî teqdîr kerdî.

Erdoganî vat, ''Çîyo esasî caardiş o. Eke rêxistine çîyo ke kewno milê ci bîyaro ca, xususê bînî karê sîyasetmedaran o.''