Vengdayîşê Meclîsê Cinîyan ê Rojbîne ser o şaristanê Aarau yê Swîsre de qurbanê Qirkerdişê Mereş û Roboskî bi merasîmêk ameyî yadkerdene. 

Merasîm de pankartê bi nuşteyê 'Ma xo vîr a nêkerd' û 'Leyla Guven rûmetê ma yo' ameyî akerdene. Merasîmî bi deqayêkê rêzgirewtişî dest pêkerd.

Merasîm de Meclîsê Cinîyan ê Rojbîne ser o qiseykerdiş ame kerdene û wina ame vatene: ''Faşîzmê dewleta tirke yo ke vizêr Roboskî û Mereş de qirkerdiş kerd ewro hêrişê kurdan keno. Ma do vera nê hêrişan sey Leyla Guven, sey têkoşînê azadîye yê cinîyan ê kurdan meydanan de bimanê.''

Hemserekê Komelê Kurdan ê Swîsre (CDK-S) Alî Şîmşekî zî pare kerd ke faşîzmê dewleta tirke ewro zî Leyla Guven xo rê kerde hedef û da zanayene ke seba teşhîrê dewleta tirke ya qirkere ê do têkoşînê xo dewam bikerê.''