Çalakîya 15ê Sibate ya kurdîstanij û enternasyonalîstan roja 2. de şaristanê Frankfurtî yê Almanya de dewam kerd. Çalakîye de sloganê sey 'Wextê ci ameyo; Ocalanî rê Azadîye' ameyî vatene, poster û pankartî ameyî akerdene.

Çalakîkeran îşlîgê bi nuşteyê 'Wextê ci ameyo, Ocalanî rê Azadîye' xo rê dayî û 10 km ver bi merkezê Frankfurtî şîyî. 

Rayraşîyayîş dima vurîya nawnayîş. Hemserekê AGÎFî Mesut Dumanî nawnayîş de ard ziwan ke Rayberê Şarê Kurdî Abdullah Ocalanî 22 serrî yo binê tecrîdî de yo û hînî no tecrîd şexsê ey de vera pêro kurdan yeno kerdene.

Hemserekê KON-MEDî Tahîr Koçerî zî da zanayene ke Fikrê Abdullah Ocalanî pêro dinya ra vila bîyê. Koçerî vist vîrî ke heta 15ê sibate ê do çalakîya xo dewam bikerê û venga her kesî da ke wa tewrê çalakîye bibo.

Çalakîye pê sloganê 'Biciwîyo Serek Apo' qedîyaye. Çalakîye ewro Mainz de do dewam bikera.