Seba wayîrvejîyayîşê xoserîya Şingalî û bi taybetî wayîrvejîyayîşê Asayîşê Êzidxanî êzidîyê Ewropa dest pê çalakîya roniştişî ya bidore kenê. Çalakîye 16ê çeleyî de şaristanê Hannoverî yê Almanya de dest pêbikera.
Meclîsê Şingalî yê Teberê Welatî (MŞD) derheqê xoverdayîşê Şingalî yê vera peymana Hewlêr û Bexdadî eşkerayîyêke daye.
Eşkerayîye de ame vatene ke êzidîyî 9ê teşrîna verêne ya 2020î ra nata payan ser o yê û 45 rojî yo verê Merkezê Asayîşê Êzidxanî de çalakîya xeyme kenê.
MŞDyî da zanayene ke ê do 16ê çeleyî de şaristanê Hannoverî yê Almanya de bi eşkerayîyêke dest pê çalakîya roniştişî bikerê û heta 30ê çeleyî xeyma çalakîya roniştişî do akerde biba. Xeyma çalakîye her roje saete mabênê 13:-15:00 de Steîntorplatz de bêra akerdene.
MŞDyî sere de êzidîyan venga pêro kurdan da ke tewrê çalakîye bibê û ameyoxê êzidîyan bipawê.
