Şaro ke badê îşxalê dewleta tirke ya îşxalkere  yê vera Efrînî 2018 de  Şehba de ame cakerdene rîyê qirkerdiş û tehdîtî ra saetanê nîmroje de verê xo da Tebqa.

Qefleyo verên o ke Şehba ra vejîya resa Kantonê Tebqa. Dezgeh û şarê kantonî macîrî pêşwazî kerdî û bîna û merkezanê sporî yê mekteb û dezgehanê pabesteyê îdareyî de sey demdemî ca kerdî. Yeno pawitene ke Şehba ra nizdê 200 hezar kesan ravêro herême.

Nê merkezan de yê ke qala ci yena kerdene hazirîya sey paştdayîşê xida û weşîye zî dewam kena.