Heyva Sor a Kurdîstanî bi eşkerayîya nuştekîye veng da ke wa her kes şarê Rojawanî rê hetkarîye bikero.

Eşkerayîye de nê ameyî vatene: ''27ê teşrîna peyêne ya 2024î de bi paştdayîşê dewleta tirke çeteyan hêrişê bajaranê pîlan ê Sûrîye ra Helebî kerd. Dewleta tirke ya îşxalkere 2018 de bajarê kurdan Efrîn îşxal kerd û bi hezeran kurdê efrînijî şîyî herêma Şehba. Dewleta tirke nika cehd kena ke nê firsetî bişuxulno û planê qirkerdişê kurdanê Rojawanî temam bikero.

Rewşa wina tehlukeyine de Îdareyê Xoserî yê Rojawanî qerar girewt ke şaro ke herêma Şehba de hetê leşkeranê tirkan û çeteyan ra gerîyayo binê çemberî, lezabez bişawo herêmanê biasayîşan. Bi nê qerarî yeno waştene ke verê qirkerdişê bi des hezaran kesan bêro girewtene. Bêşik nê prosesê bidejî de bi des hezaran kesî do nê şertanê zimistanî de erdê xo vejîyê.

Dezgehê ma yê hetkarîye Heyva Sor a Kurd  ( @HeyvaKurd ) semedê paştdayîşê merdimanê ke warê xo ra bîyî, seba ke wa cayanê biasayîşan de bêrê cakerdene û xizmetê weşîye bidîyo ci xebatanê xo rayra beno.

Nê semedî ra ma veng danê heme merdimîye ke bi rayîrê Heyva Sor a Kurdîstanî wa şarê Rojawanî rê destê xo derg bikerê û hetkarîya xo biresnê ci.''

Eşkerayîye de nê zanayîşî ameyî dayene:

"Heyva Sor a Kurdistanê e.V.
Kreissparkasse Köln
IBAN: DE49 3705 0299 0004 0104 81
BIC/SWIFT: COKSDE33XXX
Yardım amacı: Rojava
PayPal: [email protected]

(Goreyê qerarê ADDyî eyalatê Rheinland-Pfalzî de destur çîn o ke komeleya ma hetkarîye arêdo û komele rê hetkarî bêro kerdene.)"