Meclîsê Sûrîyeya Demokratîke (MSD) derheqê rewşa peyêne de ya ke vakurê rojawanî yê Sûrîye de qewimîyena, eşkerayîye daye û nê pare kerdî:

''Çeteyê Heyet Tehrîr El Şamî bajaranê Heleb û Hama de qet raştê xoverdayîşî nêameyî. Na rewşw zaf tehlukeyin a. Ganî komelê mîyanneteweyîyî şiro hêzanê elqedaran ser ke bi tewrbîyayîşê heme hetan ê Sûrîye proseso sîyasî bêro destpêkerdene.

Berpirsîyarê nê şerî dewleta tirke ya îşxalker a. Ganî Konseya Asayîşî ya Netweyanê Yewbîyayeyan (NY) cada macîranê herêma Şehba rê mudaxale bikero. Ganî sîvîlî sûcanê şerî, qirkerdiş û barkerdişê bizorî ra bêrê pawitene.

Beno ke çeteyê DAÎŞî zî na rewşe ra feyde bikerê ke no tehlukeyo pîl o. Na çarçewa de ganî Koalîsyonê Mîyanneteweyîyî paştî bido Hêzanê Sûrîyeya Demokratîke (QSD).''

MSDyî vist vîrî ke rolê Rûsya seba çareserîya krîzî muhîm o, vat ê dîyalogê bi Tirkîya hazir ê û bale ante nê nuqtayan ser:

- Şer û pêkewtişê mabênê hetanê Sûrîye têna xizmetê dişmenanê şarê Sûrîye kenê û sîvîlan fînenê tengayî. Nê semedî ra ganî dîyalog bêro averberdene.

-Kurdî, netewe û dînê bînî parçeyê muhîmî yê tarîx û cografyaya Sûrîye yê. Coka ganî heme binpaykerdişê vera pabesteyanê Sûrîye bêrê vindarnayene.

-Krîzê Sûrîye têna mudaxaleyanê teberî ra dûrî  û bi metodanê sîyasîyan eşkeno bêro çareserkerdene.

MSDyî tewr peynî de ard ziwan ke ê semedê pawitişê yewîya herra Sûrîye hazir ê ke heme hetanê Sûrîye reyde dîyalog ronê û NYyî ra waşt ke wa qerarê qanûnê 2254î bîyaro ca.