Otêla Grand Kartalî ya Merkezê Xîzikoke yê Kartalkaya ya Bolu de bin şewe şewat vejîya.  Şewat de tewr tay 66 kesan dinyaya xo bedilnaye.

Wezîrê Karanê Zereyî Ali Yerlikayayî da zanayene şewat de yo ke otêla darên a 12 katine  de vejîya,  12 kesan dinyaya xo bedilnaye û 51 kesî birîndar bîyî.

Goreyê zanayîşanê ke ameyî girewtene xeylê ekîbê îtfaîyê xebatê hewnakerdişê şewatî kenê û kesê ke otêle ra ameyî tehlîykerdene çar otêlanê bînana ê bajarî de ameyî cakerdene.

Wezîrê Edelatî yê Tirkî Yilmaz Tunçî da eşnawitene ke serdozgerîya komere ya 6. derheqê şewatî de 5 kesan ra heyetê kesanê zanayeyan pêard.