Çarçewa Hewteyê Heqanê Merdiman de xeylêk walatanê Ewropa de bi kampanya, kombîyayîşê çapemenîye azadîya Rayberê Şarê Kurdî Abdulah Ocalanî ameye waştene.

Paytextê  Îtalya Roma de Komîteya Ocalanî rê Azadîye semedê azadîya Rayberê Şarê Kurdî Abdullah Ocalanî kombîyayîşê çapemenîye kerd. Kombîyayîş ame vîradene ke Ocalan hemwelatîyê Roma yo û bi serran o binê tecrîdê giranî de yo û semedê azadîya ci ame vengdayene.

Finlandîya de çarçewa Hewteyê Heqanê Merdiman de kurdan semedê azadîya Rayberê Şarê Kurdî Abdullah Ocalanî kampanyaya îmzayan daye destpêkerdene. Kampaya ke bi paştdayîşê dostanê kurdan yena rayraberdene nameyanê namdaran ê Finlandîya ra îmzayî ameyî girewtene. Kampanyaya di hewteyan de xeylêk parlamenter, nuştox, profesor, aktîvîstê sîyasîyî, vervatoxê partîyanê sîyasîyan tewrê ci bîyî.  Rayraberdoxanê kampanya vat senî ke Nelson Mandelayî semedê Afrîkaya Başûre rolo pîl kay kerd, Ocalan zî semedê şarê kurdî û Rojhelatê Mîyanênenî wina muhîm o.

Reyna Danîmarka de zî bi wesîleya Hewteyê Heqanê Merdiman sîyasetmedar, nuştox û akademîsyenan paştî daye kampanya ke semedê azadîya Ocalanî ameya destpêkerdene. Wezîrê karanê teberî yo verên zî tede xeylêk parlamenter, endamê meclîsê şaredarîye û akadesmîyenan deklarasyono hempar îmza kerd û waştişê azadîya Ocalanî arde ziwan.