Semedê azadîya Rayberê Şarê Kurdî Abdullah Ocalanî yo ke 1999î ra nata Girawa Îmraliyî de binê tecrîdî de yo Swêd de komîteyêke ameye ronayene.

Serekê Komîteya Paşdatayîşê Kurdîstanî Benny Gustafssono ke ronayoxanê komîte ra yo ANFyî rê qisey kerd.

Gustafssonî vat: ''Komîte de roşnvîr, hunermend û temsîlkarê rêxistinan ca genê. Na kampanya heme Ewropa de yena rayrabedene.  Swêd de zî heta nika nizdê 30 kesan tewrê ci bîyî. Mîyanê înan de endamê Partîya Çepe û demokratanê sosyalan zî estê. Komîte azadîya Ocalanî û heme tepişteyanê sîyasîyan wazeno. Semedê naye zî ma do selahîyetdaranê hukmatê Swêdî reyde pêvînayîşa bikerê.''