Vervatoxê Têkilîyanê Teberî yê Koma Die Linke yê Parlamentoyê Bremenî Cindî Tuncelî biranê Kongreya 12ine ya PKKyî ra dima eşkerayîyêke daye û venga Almanya û Tirkîya da ke bi mesuldarî têbigêrê.

Goreyê eşkerayîya ke Die Linke keyepelê xo de weşanayo Tuncelî wina vato: ‘’Bira feshkerdişê xo ya PKKyî netîceyêka xîretanê ronayoxê partîye Abdullah Ocalanî ya. Ganî dewleta tirke na bire ra dima sozanê xo bîyara ca. Ganî hemşaredarê kurdê ke erkî ra ameyê dûrvistene, abigêrê, ziwanê kurdkî, nasnameyê kurdan o kulturel û heqê temsîlîyetî yê kurdan bêrê caardene. Ganî Abdullah Ocalan vera bidîyo.

Ganî Almanya zî bi mesuldarî têbigêra, tedaya vera komeleyanê kurdan ra fek vera bida.’’