Aktîvîstanê Cinîyan ê Ciwanan ê Têkoşeran (TÊKO-JIN) û Têgêrayîşê Ciwanan ê Şorişgêran (TCŞ) şaristananê Berlin û Stuttgartî yê Almanya de seba azadîya Rayberê Şarê Kurdî Abdullah Ocalanî tay çalakîyî kerdî.

Berlin: Ciwanan çarçewa Hemleya 'Tecrîd, faşîzm, îşxalî rê ves o, pîya serewedaritiş' paytextê Almanya Berlin de çalakîyêke kerde. Ciwanan çalakîye de eşkerayîyêke daye û waşt ke Rayberê Şarê Kurdî Abdullah Ocalan bêro azadkerdene. Ciwanan vera PDKyî zî nêrazîbîyayîşê xo mojna.  Çalakîye de pankarta bi nuşteyê 'Ocalanî rê Azadîye' akerde.

Stuttgart: Ciwanan şaristanê Stuttgartî yê Almanya de êriş û provakasyonê PDKyî bi çalakîyêke şermezar kerdî û azadîya Rayberê Şarê Kurdî Abdullah Ocalanî waşte. Ciwanan pankartî akerdî û hemkarîya PDK û dewleta tirke protesto kerdî.