Seba ke statuyo xoser ê Şingalî bişinasîyo şaristanê Hannoverî yê Almanya de seba di hewteyan çalakîya xeyme dîyaye destpêkerdene.

Çalakîye ewro saete 13:00 de Meydanê Steintorî yê Hannoverî de dîyaye destpêkerdene. Çalakîye do heta 30ê çeleyî her roje mabênê saeta 13-15.00 de dewam bikera.

Çalakîye de nameyê Komelê Koordînasyonê Êzidîyanê Ewropa ser Cercûr Cemîl, nameyê KCDK-E ser o Yuksel Koç, Hemserekê KON-MEDî Tahîr Koçer, nameyê Meclîsê Cinîyan ê Êzidîyan Besê û Amara ser zî Demîr Çelîk qisey kerd.

Çalakîye de ame vatene ke peymana Bexdad-Hewlêrî ya serê Şingalî waştişê dewleta AKPyî ser o ameye kerdene.

Çalakîye de wina ame vatene: ''Şingal yeno manaya tarîxê kurdan. Wayîrvejîyayîşê Şingalî yeno manaya wayîrvejîyayîşê tarîxê kurdan. No xoverdayîş do îxanet biqedîno.''