Meclîsanê Komeleyanê Demokratîkan ê Kurdîstanî yê Hollanda  (DEMNED)  bi eşkerayîya nuştekîye programê çalakîyanê xo yê menga sibate eşkera kerd û semedê tewrbîyayîşê çalakîyan veng da.

Eşkerayîye de bale ameye ante serê tecrîdê serê Rayberê Şarê Kurdî Abdullah Ocalanî, grevê vêşanîye yê tepişteyan û hêrişê hukmatê tirkîyê vera heme leteyanê Kurdîstanî ser û semedê xoverdayîşê hemparî ame vengdayene.

Eşkerayîye diya zanayene ke çalakîyê înan do mabênê 1ê sibate ra heta 15ê sibate bê mabêndayîş dewam bikerê  û ame vatene ke 13ê sibate de Den Haag, 14ê sibate de Amsterdam û 15 sibate de Arnhem de do aktîvîteyê Kitabaxaneyê Rayberîye pê otobusan bêrê kerdene. Reyna semedê paştdayîşê Kampanyaya '100 Sebebê Seba Hukmkerdişê Dîktatorî' zî ame vengdayene û ame vatene ke ganî yew dostê kurdano ke îmza nêdaya nêmano.