Hemserekîya Konseya Rayberdişî ya KCKyî semedê vefatê Papa Francisî mesajê serweşîye weşanaye û nê pare kerdî:

''Ma pê dejî eşnawite ke raybero rûhanî yê dinyaya katolîke û Serekê Dewlete yê Vatîkanî Papa Francisî wefat kerd. Papa Franciso ke şarê Arjantînî ra yeno û tim hetê şarî de bi wefatê ci semedê merdimîye vînîbîyayîşo gird o. Papa Francisî wextê papayîya 12 serran de morê xo da binê serkewtişanê girdan ro. Papa Francisî tim vera şeranê menfeatî yê sîstemê kapîtalîstî tewir girewt. Vatîkan de reformê muhîmî kerdî û sere de Kurdîstan û Rojhelatê Mîyanên xeylê cayê dinya zîyaret kerdî û mabênê dînan û şaranê cîya cîyayan de averşîyayîşê tekîlîyan teşvîk kerd. Na çarçewe de semedê merdimîye rolê pabestîyayîşî kay kerd. Papa Francis tim bi huyayîşê xo û  ''Şorişê Merhametî'' bîyo vengê haştîye, heskerdiş û şefqetî. Papa Francis cayê bindestan mexdûran de bi û cinî û ciwanî semedê ey tim muhîm bê.

Papa Francis wextê Roşanê Paskalya de wefat kerd ke no zî dahîna bimana yo. Bi wesîleya wefatê ci sere de dinaya katolîke ma heme xirsîtîyanenê dinya, dewleta Vatîkanî, keye, heskerdox û teqîpkaranê ci rê serweşîye wazenê. Ruhê Papa Francisî  şad bo.''