Hemserekê MEDYA-DERî Mehmet Emin Kiliçî ANFyî rê qerarê PKKyî û gamê ke dewleta tirke gerek bierzo erjnayî.

Mehmet  Emîn Kiliçî ard ziwan ke kurdan û Têgêrayîşê Azadîye yê Kurdan bi xo şer nêvîjîna, no netîceya şertan ra vejîya werte û nê vatî: ''Kurdî rixmo ke raştê neheqîye û hêrişan ameyî semedê haştîye tim israr kenê, wayîrê prosesê haştîye zî vejîyayî. Gerek no firset bêro şuxulnayene. Peynîya şerî çîn a. Gerek bêro zanayene ke şer çare nêbeno, çare dîyalog o. Seba ke Tirkîya cewabê vengdayîşê haştîye nêda, kewna binê berpirsîyarîya girde.

Hetê ke nêwezanê no proses aver şiro est ê. Seba ke verê prosesî mero girewtene gerek dewlete gamanê zixman bierzo. Eke gamê pêtî merê eştene no firseto tarîxî do biremo. Rayberê Şarê Kurdî Abdullah Ocalan serranê 90yan ra vano haştîye. Eke dewlete o wext cewabê vengdayîşê Birêz Ocalanî bidayêne ma hendê merdimî vîndînêkerdêne. Gerek îqtîdar cade game bierzo. Şarê kurdî cewabê vengdayîşê Birêz Ocalanî da û wayîrê prosesî vejîya. PKK rixmo ke binê hêriş de bi samîmî û cesûr qerar da. Dewlete hema çi pawena?''