Dewleta tirke 19-25ê kanûna 1978   de Mereş de, 28ê kanûna 2011 de zî Roboskî qirkerdiş kerd. Reyna 19ê Kanûna 2000 de vera zîndanan operasyon ame kerdene.

Bajarê Kolnî yê Almanya de bi wesîleya serrgêra nê qirkerdişan aktîvîteyêke ameye kerdene û qurbanê ameyî yadkerdene. Aktîvîteya ke hetê Platformê Yewîya Hêzî ya Demokratîke ra ameye organîzekerdene endamê Meclîsê Cinîyan ê Vîyane, Feda û xelêk dezgehê bînî zî tewrê ci bîyî.

Qiseykerdişan de ame vatene ke Mereşî ra heta ewro zîhnîyeto faşîzt ê dewleta tirke nêbedilyayo. Wekîla HDPyî ya verêne Nursel Aydogan zî bale ante grevê vêşanîye yo ke zîndanan de semedê Rayberê Şarê Kurdî Abdullah Oclanî ser û semedê hîsgêrîye veng da. Çalakîye de vilaweka Kon-Medî zî ameye wendene û semah ame kerdene.