Kurdîstanijan şaristananê Ashaffenburg, Saarbrucken û Freiburgî yê Almanya de hêrişê kîmyewî yê dewleta tirke şermezar kerdî.

Saarbrucken de serkêşîya TAJÊ û Meclîsê Şarî de mîtîngêk ame kerdene. Mîtîng de vilawekî ameyî vilakerdene û xoverdayîşê gerîlayan ame selamkerdene.

Freiburg de çalakîya protestoyî de bêvengîya dewletanê mîyanneteweyîyan ameye şermezarkerdene. Çalakîye de seba beşdarîya çalakîya Dusseldorfî û Den Haagî veng ame dayene.

Ashaffenburg de Meclîsê Şarî yê Demokratîkî, Kommûnale Înîatîve, Dîe Lînke, Rîseûp4Rojava paştî daye çalakîya vera hêrişanê kîmyewîyan. Çalakîkeran waşt ke wa cade heyetêko xoser Herêmanê Pawitişî yê Medya de cigêrayîşî bikero.