Dezgehanê kurdan semedê protestokerdişê Wezîrê Pawitişî yê Tirkîya Hulusî Akaro ke Berlin zîyaret kerd, çalakîya protestoyî organîze kerde.

Çalakîye de bale ameye antene serê polîtîkaya hêrişkare ya dewleta tirke ya vera kurdan ser û ame vatene ke zîyaretê Hulusî Akaro ke hêrişê şer û hêrişê îşxalî yê vera Kurdîstanî ra mesuldaro, yê  Berlinî nîno qebulkerdene. Çalakwanan hukmatê almanî ra waşt ke wa paştî medo dewleta tirke ke vera kurdan polîtîkaya qirkerdişî rayra bena.

Çalakîye de çarçewa kampanyaya '100 Sebebê Seba Hukmkerdişê Dîktatorî' de îmzayî ameyî arêdayene.