Şaristanê Hildeshimî ya Almanya û şaristanê Stockholmî yê Swêdî de çarçewa Hemleya 'Tecrîd, faşîzm û îşxalî rê bes o; wext wextê azadîye yo' de çalakîyî ameyî kerdene.

Hildesheim

Çalakîye bi deqayêkê rêzgirewtişî dest pêkerd. Çalakîye de alayê TJK-E, YPG/YPJ, TEV-DEMî ameyî akerdene û pankarta bi nuşteyê 'Biciwîyo Serek Apo', 'Biciwîyo xoverdayîşê Îmraliyî' ameyî akerdene.

TJK-E ra Altune Bischof, FED-MEDî ra hemsereke Hakîme Yousuf qisey kerd û ard ziwan ke ê tecrîdê vera Rayberê Şarê Kurdî şermezar kenê û grevê vêşanîye yê tepişteyan rê selam kenê.

Stockholm

Rêxistinanê kurdan ê Swêdî bi şîarê 'Ma komplo xo vîr a nêkenê û nêkerê' vera Komployê 15ê Sibate çalakîyêke kerde. Kurdan pê flama, pankart û alayan azadîya Rayberê Şarê Kurdî Abdullah Ocalanî waşte. Serekê NCDKyî Mirhem Yîgît, Hemsereka KNKyî Zeynepe Morad û Sereka Meclîsê Cinîyan ê Amara Ayşe Goktepe qisey kerd û komplo şermezar kerd.

Hetê bînî ra Merkezê Komelê Demokratîkî yê Kurdan (NCDK), Meclîsê Cinîyan ê Amra û Yewîya Cinîyan a Sara aktîvîteya 'kitabxaneyê gêrayeyî' daye destpêkerdene.

Kitabxane Stockholmî ra ver bi Upsala kewt rayîr. Kitabxane de kitabê Rayberê Şarê Kurdî estê.