Lîderê Yewîya Ewropa (YE) kombîyayîşê xo yê berzî vizêrî ra nata dewam kenê. Kombîyayîş de semedê alozîya Qibris û Yunanîstanî ra vera Tirkîya bira ambargoyî girewte. Eke Tirkîya Dengizê Sipî de karê sondajî dewam bikera menga adare de birê hîna tûjî do bêrê girewtene.

Lîderanê Ewropa vera kes û şîrketanê tirkan ê ke Dengizê Sipî de karê sondajî kenê bira ambargoyî daye.

Yunanîstanî pare kerd ke bire qîm nîya û nakokîya YE ya semedê Tirkîya rexne kerde. Almanya, Îtalya û Îspanya zî îfade kerd ke tay meseleyî eşkîyenê bi rayîrê dîplomasî  çareser bibê.