Dima ke Ewropa sînorê xo bi xurtî qefilnayî multecîyî Bosna Hersek de mendî û wextêk kampa bi nameyê Lipa de mendî. Roja çarşemeyê vîyarteyî de adir kewt xeymanê multecîyan. Tewr tay 1000 hezar multecîyî a roje ra naya binê vewre de kenê ke biciwîyê.

Multecîyan xîret kerd ke xo birensê Hirvatîstan la polîsan multecîyî bi zorî berdî Bosna Hersek.

Temsîlkarê Rêxistina Koçî ya Mîyanneteweyî (IOM) a Bosna Hersekî Peter Von Der Auweraertî vizêr kampe zîyaret kerde û dima rojnameyê TAZî yê Almanya rê qisey kerd. Auweraertî pare ker dke îmkanê multecîyan çin ê û qedexe yê kampe ra vejîyê. Auweraertî vat: ''Multecîyî mîyanê şert û mercananê giranan de vera dîyayî. Multecîyî hêverî xîret kenê ke xo germ bikerê. Ma gulane ra nata tedaya Bosna kenê ke hewcedarîyanê kampe peyda bikera. Hukmatê Bosna zaf sozî dayî la hema zî gamêke nêeşte.''

Auweraertî îfade kerd ke hukmatê Bosna Hersekî soz dabi ke multecîyan bero Bihac la îdareyanê herêmîyan no red kerd. Auweraertî vat: ''Multecîyî sîyasetî rê yenê qurbankerdene. Ma zaf reyan gerreyê polîsanê Hirvatîstanî kerd ke înan multecîyan rê îşkence kerd.''